स्वास्थ्य मन्त्रीमा हृद्धयेस त्रिपाठी, भानुभक्त पर्यटनमा

काठमाडौं-स्वास्थ्य तथा जनसंख्या मन्त्रालयको जिम्मेवारी हृद्धयेस त्रिपाठीले पाएका छन् । प्रधानमन्त्रीका प्रेस सल्लाहकार सुर्य थापाले स्वास्थ्य मन्त्रालयकाे जिम्मेवारी हेरफेर भएको बताए ।

शुक्रबार प्रधानमन्त्री केपी शर्मा ओलीले मन्त्रालयको हेरफेर तथा थपघट गर्ने क्रममा स्वास्थ्यको जिम्मेवारी त्रिपाठीलाई दिएका हुन् ।

यसअघि त्रिपाठी सामान्य प्रशासन मन्त्री थिए । अहिलेका स्वास्थ्य मन्त्री भानुभक्त ढकाललाई पर्यटन मन्त्रालयको जिम्मेवारी दिइएको छ ।

योगेश भट्टराईले राजीनामा दिएसँगै पर्यटन मन्त्रालय खाली बनेको थियो । उक्त मन्त्रालयको जिम्मेवारी ढकालले पाएका हुन् ।