पोखरा स्वास्थ्य विज्ञान प्रतिष्ठानका उपकुलपति प्रा.डा. थापा सम्मानित

पोखरा—पोखरा स्वास्थ्य विज्ञान प्रतिष्ठानका उपकुलपति प्रा.डा. वुद्धिबहादुर थापा सम्मानित भएका छन् । तनहुँ सम्पर्क समाजले स्थापना गरेको तनहुँ रत्न सम्मान पुरस्कार–२०७७ बाट पोखरामा उनी सम्मानित भएका हुन् ।

थापालाई नगद राशी १० हजार रुपैयाँ र ताम्रापत्रले सम्मान गरिएको हो । समाजले २ लाख रुपैयाँको अक्षयकोष स्थापना गरी आउने ब्याजबाट नगदसहित सम्मान गर्ने गरी कार्यविधी बनाएको छ ।

तनहुँबाट आएर पोखरालाई कर्मथलो बनाएर सामाजिक क्षेत्रमा क्रियाशील व्यक्तिलाई समाजले हरेक वर्ष सम्मान गर्ने योजना बनाएको समाजका अध्यक्ष अम्बिकाप्रसाद भट्टराईले जानकारी दिए ।

पोखरा स्वास्थ्य विज्ञान प्रतिष्ठानका उपकूलपति थापा शुक्लागण्डकी ३ वनकेवामा जन्मिएका हुन् । थापा करिब ४ दशक अघिदेखि स्वास्थ्य क्षेत्रमा निरन्तर सक्रिय छन् ।