भारतमा पहिलो पटक एकैदिन १ लाख १५ हजार बढीलाई कोरोना संक्रमण

नयाँदिल्ली—भारतमा पहिलो पटक एकैदिन १ लाख १५ हजार बढीलाई कोरोना संक्रमण पुष्टि भएको छ । भारतीय सञ्चार माध्यमकाअनुसार पछिल्लो २४ घण्टामा १ लाख १५ हजार २ सय ६२ जनामा कोरोना संक्रमण देखिएको हो ।

यो भारतमा एकैदिन अहिलेसम्म देखिएको सबैभन्दा बढी केस हो । यसले अप्रिल ४ मा एक लाख बढी देखिएको नयाँ केसको आँकडा तोडेको छ ।

पछिल्लो २४ घण्टामा ५९ हजार ७ सय कोरोना संक्रमित संक्रमणमुक्त भएका छन् । यस्तै, पछिल्लो २४ घण्टामा ६ सय ३० जना कोरोना संक्रमितको मृत्यु भएको छ ।