अब वीर र ट्रमा दुवै कोभिड अस्पताल

काठमाडौँ – राष्ट्रिय ट्रमा सेन्टर र वीर अस्पतालले २००/२०० शैय्या कोभिड उपचारका लागि छुट्याउने सहमति गरेका छन् । शनिबार स्वास्थ्य मन्त्रालयको इन्सिडेन्ट कमाण्ड सिस्टमका पदाधिकारीसँगको अन्तरक्रिया कार्यक्रममा दुवै अस्पतालले संयुक्त रुपमा ४ सय शैय्या कोभिड उपचारका लागि छुट्याउने सहमति भएको हो।

वीर अस्पतालको नयाँ सर्जिकल भवनमा थप २०० शैय्या र ट्रमा अस्पतालमा थप २०० शैय्या कोभिड संक्रमितको उपचारका लागि सञ्चालनमा ल्याइने ट्रमा सेन्टरका निर्देशक डा. सन्तोष पौडेलले जानकारी दिए। उनका अनुसार अक्सिजन नै अभाव भइरहेको अवस्थामा कोरोना बिरामीलाई बढी अक्सिजन चाहिने भएकोले शैय्या छुट्याउने प्रस्ताव गरिएको हो।

उनले भने, ‘यो महामारीको समयमा जहाँ जसरी हुन्छ त्यसरी नै सहयोग गर्ने हो। धेरै संक्रमितले ज्यान गुमाइरहेको अवस्थामा हामीले यहाँ शैय्याको व्यवस्था गर्दा धेरै संक्रमित ज्यानको बच्न सक्छ।’

उनले ननकोभिड बिरामीलाई वीर अस्पतालमा सिफ्ट गरेर उपचार गर्ने व्यवस्था मिलाउने पनि जानकारी दिए।

‘