देशभर ९२४७ जनामा कोभिड-१९ पुष्टि, थप २१४ को मृत्यु

काठमाडौँ – देशभर थप ९ हजार २ सय ४७   जनामा कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २२ हजार ८७ स्वाब परीक्षण गरिएकोमा थप ९ हजार २ सय ४७ जनामा कोभिड-१९ पुष्टि भएको हो।

यससँगै नेपालमा कोरोना पुष्टि हुने संख्या ४ लाख ६४ हजार २ सय १८ पुगेको छ ।

यस्तै, पछिल्लो २४ घण्टा ज्यान गुमाउने कोरोना संक्रमितको संख्या २ सय १४ रहेको मन्त्रालयले जनाएको छ । भने, थप ५ हजार ७ सय ६७ जना उपचार पछि कोरोनामुक्त भएका छन्। उपचार पछि कोरोनामुक्त हुने दर ७४.४ प्रतिशत पुगेको छ ।

पछिल्लो तथ्यांक अनुसार हालसम्म मृत्यु हुनेको संख्या ५ हजार २ सय १५ र कोरोनामुक्त हुनेको संख्या ३ लाख ४५ हजार ५ सय २३ पुगेको छ ।