मन्त्रालयका हरेक कामलाई पारदर्शी बनाउने स्वास्थ्यमन्त्री तामाङको प्रतिबद्धता

काठमाडौँ – नवनियुक्त मन्त्री शेरबहादुर तामाङले स्वास्थ्य मन्त्रालयका हरेक कामलाई प्रारदर्शी बनाउने प्रतिबद्दता जनाएका छन्। सोमबार भर्चुअल माध्यमबाट पत्रकारहरुसँग छलफल गर्दै उनले हरेक कामलाई पारदर्शी बनाउने प्रतिबद्दता जनाएका हुन्।

उनले सरकारले तोकेकोभन्दा बढी शुल्क लिने अस्पतालहरुको अनुगमन गर्ने र सबै अस्पतालमा तोकिएकै शुल्कभित्र उपचार गराउन निर्देशन समेत दिने जनाए।

कार्यक्रममा बोल्दै स्वास्थ्य मन्त्री तामाङले कोभिड-१९ रोकथाम तथा नियन्त्रणका लागि सरकारका सबै संयन्त्र परिचालित भएका र सम्भावित तेस्रो लहरको पूर्वतयारीबारे पनि छलफल भैरहेको उल्लेख गरे।

उनले भने , ‘तेस्रो लहरविरुद्ध लड्नेबारे छलफल भैरहेको छ। बाल अस्पतालहरुको तथ्यांक पनि हामीले राखेका छौँ। आइसोलेसन वार्ड र बेड थप्ने योजना पनि भइरहेको छ। ‘