थपिए २७४५ संक्रमित, ४१को मृत्यु

काठमाडौँ – देशभर गरेर थप २ हजार ७ सय ४५ जना कोभिड संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप २ हजार ७ सय ४५ जना संक्रमित थपिएका हुन् ।

मन्त्रालयका अनुसार पछिल्लो २४ घण्टामा थप ४१ जना संक्रमितको मृत्यु भएको छ । यससँगै ज्यान गुमाउने संक्रमितको संख्या ८ हजार ५ सय ६ पुगेको छ ।

यस्तै, पछिल्लो २४ घण्टामा थप ४ हजार १ सय ८७ संक्रमित कोभिडमुक्त भएका छन् । कोभिडमुक्त हुने कुल संख्या ५ लाख ४० हजार ४ सय ३९ पुगेको छ ।