डिजिटल हेल्थसम्बन्धी वेबिनार कार्यक्रम हुँदैं

विराटनगर—नेपाल चिकित्सक संघ कोशी शाखा र क्युरा हेल्थ एप्लीकेसनको सहयोगमा विराट मेडिकल कलेज शिक्षण अस्पतालले डिजिटल हेल्थ सम्बन्धी वेबिनार कार्यक्रम आयोजना गर्ने भएको छ । शनिबार बिहान १० बजे अनलाइन प्रविधि प्रयोग गर्दै जुममार्फत् डिजिटल हेल्थको अवसर र चुनौतीको विषयमा अस्पतालले वेबिनार कार्यक्रम आयोजना गर्ने भएको हो ।

वेबिनारमा नेपाल मेडिटिसी अस्पतालका एनेस्थेसिया एन्ड पेन म्यानेजमेन्ट विभाग प्रमुख तथा डिजिटल स्वास्थ्य परामर्शदाता डा. अपूर्व शर्माको उपस्थितिमा नेपालमा स्वास्थ्य क्षेत्रमा सुधार ल्याउन डिजिटल हेल्थको अवसर तथा चुनौतीको विषयमा छलफल हुने बताइएको छ । यसबाहेक नेपाल चिकित्सक संघ कोशी शाखाका अध्यक्ष डा. फवार्ड सिलवाल र क्युरा हेल्थका फाउन्डर आयुष भगतले पनि वेबिनारमा प्रस्तुती दिनेछन् । यस्तै, डा. विभूतिनाथ मिश्र र डा. पार्थ गुरागाई कार्यक्रमका मिडिएटर छन् ।

वेबिनारमा सहभागी हुन जुम मिटिङ आइडी ९६७ ३७५९ ७९३७ र पासवर्ड ००९४२० छ । यसबाहेक विराट मेडिकल कलेज शिक्षण अस्पतालको फेसबुक पेज वा नेपाल चिकित्सक संघ कोशी शाखाको फेसबुक पेजमा गएर पनि वेबिनारमा सहभागिता जनाउन सकिनेछ ।