जाडोमा देखिने सोरायसिस रोग के हो ? कसरी बच्ने ?

व्यक्तिमा जाडोयाममा देखिने विभिन्न छाला रोगमध्ये सोरायसिस पनि एक हो । अन्य समयमा देखा पर्ने भएपनि यसले तुलनात्मक रुपमा व्यक्तिलाई बढि सताएको देखिन्छ । सोरायसिस छालामा हुने अटो इम्युन रोग हो।

प्रायजसोः घुँडा, कुहिनो, टाउको र ढाडका भागमा रातो दादको साथ देखा पर्ने यो समस्या समयमै उपचार नगरेको खण्डमा बढ्दै जान्छ । र, कालान्तरमा यसले उग्र रुपमा लिई यो सम्पूर्ण शरीरभर नै फैलिएर जाने हुन्छ ।

कारण

• आणुवंशिक
• चिसो हावापानी
• छालाको संक्रमण
• छालामा लागेका चोटपटक
• तनाव
• धूम्रपान तथा धुवाँजन्य वातावरण
• अत्याधिक मद्यपानको सेवन
• र, केहि विशेष औषधिको प्रयोग ।

लक्षण

• छालाका भागहरु रातो एवम् बाक्लो पाप्रामा परिणत हुनु,
• साना स्केलिङ स्पटहरू देखिनु (बालबालिकाको हकमा),
• छाला सुख्खा हुनु वा फुट्नु,
• सुख्खा छाला कन्याउँदा रगत बग्नु,
• छाला चिलाउनु,
• छालामा जलन वा दुखाइ महशुस हुनु,
• नङको आकार तिखो वा दबिदैँ जानु,
• जोर्नी कडा हुनु र सुन्निनु ।

बच्ने उपाय

• पर्याप्त मात्रामा पानीको सेवन
• झोलिलो खानालाई प्राथमिकता दिने
• छाला सुख्खा हुन नदिन मोस्चराइजर क्रिमको प्रयोग
• नुहाउँदा वा शरीर सफा गर्दा मनतातो पानीको मात्रै प्रयोग गर्नु
• बन्द कोठामा हिटर र आगोजन्य सामाग्रीको प्रयोग नगर्ने
•  छालामा साबुन लगाउन तुरुन्तै बन्द गर्ने,
• र, उचित आहारको सेवन ।

-एजेन्सी