लोकसेवा आयोग सुदूरपश्चिमले माग्यो २६६ कर्मचारी

काठमाडौं- लोकसेवा आयोग सुदूरपश्चिमलेले स्वास्थ्य सेवा तर्फको चौंथो तहमा २६६ कर्मचारीका माग गरेको छ। बुधबार आयोगले एक विज्ञापन प्रकाशित गरी प्रदेश निजामती सेवाका स्वास्थ्यतर्फ चौंथो तहका २९ कर्मचारी र स्थानीय स्वास्थ्य सेवाका लागि २३७ कर्मचारी माग गरेको हो।

आयोगले अहेव, अनमी र प्रयोगशाला सहायक लगायतका कर्मचारी माग गरेको हो।

आयोगका अनुसार स्वास्थ्य सेवाको चौथो तह अहेव, अनमी लगायतका पदमा खुला तथा समावेशी प्रतियोगात्मकमार्फत स्थायी पदपूर्ति गरिने  छ। दरखास्त दिने अन्तिम मिति जेठ ३१ गते र दोब्बर दस्तुर तिरेर असार ७ गतेसम्म दरखास्त दिन सकिने आयोगले जनाएको छ ।