सहकारी दिवसको अवसरमा रक्तदान

चरिकोट—राष्ट्रिय सहकारी दिवसको अवसरमा खुला रक्तदान कार्यक्रमको आयोजना गरिएको छ । चैत्र २० गते ६६ औं राष्ट्रिय सहकारी दिवसको पूर्वसन्ध्यामा विभिन्न सहकारी संस्थाहरुले विविध कार्यक्रम आयोजना गरी सहकारी दिवस मनाउँदैं आएको छ ।

नमूना तथा उत्कृष्ट सहकारी संस्था जनसचेतन वचत तथा ऋण सहकारी संस्था लि. दोलखाले खुला रक्तदान कार्यक्रम आयोजना गरिएको छ । जनसचेतन साकोसको आयोजना र नेपाल रेडक्रस सोसाइटी जिल्ला शाखा दोलखाको प्राविधिक सहयोगमा रक्तदान कार्यक्रम आयोजना गरिएको जनसचेतन साकोसका अध्यक्ष हेमन्त चौलागाईंले बताए ।

रक्तदानमा ५० पुरुष र १६ महिला थरी ६६ जनाले रक्तदान गरेका थिए । यो वर्ष ‘सहकारीको दिगोपना, स्वनियमन र सुशासन’ भन्ने नाराकासाथ ६६ औं राष्ट्रिय सहकारी दिवस मनाउँदैंछ ।