भिडियो रिपोर्टः स्टेरियोट्याक्टीक रेडिएसनथेरापी क्यान्सर उपचारमा कसरी काम गर्छ ?

काठमाडौं—बढ्दो क्यान्सरको जोखिमसँगै क्यान्सरको उपचार पद्धतिमा पनि काफी परिवर्तन आइरहेको छ । एकपछि अर्को अत्याधुनिक रेडिएसन प्रविधीको विकास भइरहेको छ । जसले क्यान्सरजस्तो जटिल रोगको उपचारमा पनि सहजता ल्याइरहेको छ ।

नेपालमा पनि क्यान्सर उपचारमा नवीनतम प्रविधीहरु भित्रिने क्रम बढिरहेको छ । नेपाल क्यान्सर अस्पताल हरिसिद्धीले रेडियसनमा प्रयोग गरिने उच्चस्तरको नयाँ प्रविधी हालै भित्र्याएको छ । अस्पतालका वरिष्ठ कन्सल्ट्यान्ट रेडियसन अंकोलोजिष्ट डा. गिसुपनिख पर्सिको रेडिएसनको यो अत्याधुनिक प्रविधी भित्रिएसँगै बिरामीको उपचारमा सहजता आउने बताउँछन् ।

स्टेरियोट्याक्टीक रेडिएसन थेरापी (एसआरटी) भनिने यो रेडिएसन प्रविधी नयाँ प्रविधी हो । स्टेरियोट्याक्टीक रेडियोसर्जरी (एसआरएस) पनि भनिने यो प्रविधी क्यान्सर उपचार प्रयोग हुने अन्य प्रविधीको तुलनामा बढी सहज र प्रभावकारी रहेका डा. पर्सिको बताउँछन् ।

डा. पर्सिकोले एसआरटी वा एसआरएस प्रविधी, यसले क्यान्सरका बिरामीका लागि पुर्‍याउने फाइदा, यसका विशेषतालगायतका विषयमा यो भिडियो रिपोर्टमा प्रकाश पारेका छन् ।