बागमतीमा स्वास्थ्यको बजेटः ४ अर्ब ८ करोड रुपैयाँ

काठमाडौं—बागमती प्रदेश सरकारले आगामी आर्थिक वर्ष २०८१/८२ मा स्वास्थ्यतर्फ ४ अर्ब ८ करोड रुपैयाँ बजेट विनियोजन गरेको छ । शनिबार बागमतीका आर्थिक मामिलामन्त्री जगन्नाथ थपलियाले ‘स्वस्थ नागरिक, गुणस्तरीय जीवन’ सोचअनुसार बजेट ल्याइएको जानकारी दिए ।

बागमतीले आगामी आर्थिक वर्षका लागि ६४ अर्ब ५४ करोड ४ लाख ३१ हजार रुपैयाँको बजेट ल्याएको छ । जुन चालु आर्थिक वर्षको भन्दा झण्डै २ अर्ब रुपैयाँ बढीको बजेट हो ।

बजेटमा मानसिक स्वास्थ्य प्रवर्द्धन तथा आत्महत्या न्यूनीकरण कार्यक्रम संचालन गर्ने, महिलामा हुन सक्ने स्तन क्यान्स र र पाठेघरको क्यान्सरको निःशुल्क परीक्षण, गर्भवती महिलाको निःशुल्क हवाई उद्धार, मुख्यमन्त्री जनता स्वास्थ्य कार्यक्रमलगायतका स्वास्थ्यका विभिन्न कार्यक्रमलाई बजेट छुट्याइएको छ ।

विस्तृतमा हेर्नोस स्वास्थ्यको बजेट