सुदूरपश्चिमका सरकारी अस्पतालमा अब निःशुल्क रगत पाइने

धनगढी—सुदूरपश्चिम प्रदेशका सरकारी अस्पतालमा रगत निःशुल्क पाइने भएको छ । आइतबारबाट प्रदेशभरका सबै सरकारी अस्पतालमा निःशुल्क रगत पाइने भएको हो ।

आइतबार नै निःशुल्क रगत सेवाको सुरुवात प्रदेशका मुख्यमन्त्री कमलबहादुर शाहले गरेका हुन् । सुदूरपश्चिम प्रदेशको सामाजिक विकास मन्त्रालयले नेपाल रेडक्रस सोसाइटी प्रादेशिक रक्त सञ्चार केन्द्र धनगढीसँग सहकार्य ९ वटै जिल्लाका सरकारी अस्पतालमा निःशुल्क रगत उपलब्ध गराउने भएको हो ।

प्रादेशिक रक्त सञ्चार केन्द्र धनगढी, नेपाल रेडक्रस सोसाइटीका नौं वटै जिल्ला शाखा र टीकापुर उपशाखासँग निःशुल्क रगतका लागि आइतबार नै सम्झौता भएको छ ।

रेडक्रसले उपलब्ध गराउने निः शुल्क रगतको प्रति पिन्ट १ हजार १५० रुपैयाँ प्रदेश सरकारले भुक्तानी गर्ने सम्झौतामा उल्लेख छ ।