काठमाडौं—भैरहवास्थित युनिभर्सल इन्स्टिच्युट अफ एडभान्स स्टडिज एण्ड रिसर्च प्राइभेट लिमिटेड (युसीएमएस)ले एकै वर्षमा एक अर्ब ६० करोड रुपैयाँ बढीको कारोबार गरेको छ । युसीएमएसले सन् २०२५ मा १ अर्ब ६३ करोड १० लाख रुपैयाँको कारोबार गरेको छ ।
सन् २०२४ मा युसीएमएसको कारोबार १ अर्ब ५५ करोड ३० लाख रुपैयाँ थियो । सन् २०२३ मा १ अर्ब ४३ करोड ७० लाख रुपैयाँ कारोबार गरेको कम्पनीको फाइनान्सियल तथ्यांकले देखाउँछ । युसीएमएसले सन् २०२२ मा १ अर्ब ३९ करोड २० लाख रुपैयाँ, सन् २०२१ मा १ अर्ब २२ करोड ६० लाख रुपैयाँ, सन् २०२० मा १ अर्ब ३० करोड ४० लाख रुपैयाँ र सन् २०१९ मा १ अर्ब ३० करोड ८० लाख रुपैयाँको कारोबार गरेको थियो ।
सन् १९९८ मा भैरहवामा स्थापना भएको युनिभर्सल मेडिकल कलेजले एमबीबीएस, बिडिएस, बीएस्सी नर्सिङ, बी फर्मालगायतका चिकित्साशास्त्रका स्नातक र स्नातकोत्तरका शैक्षिक कार्यक्रमहरु अध्यापन गराउँदैं आएको छ ।
उसले भैरहवामै ५०० शैय्याको शिक्षण अस्पतालसमेत संचालन गरिरहेको छ । युसीएमएसले सन् २०२४ मा लर्ड बुद्ध एजुकेशन एकेडेमी लिमिटेड (एलबीईए)को ३८ प्रतिशत स्वामित्व लिएको थियो ।
एभरेष्ट कलेज अफ मेडिकल साइन्सेज प्रा.लि.को ६० प्रतिशत शेयर रहेको युसीएमएसको अध्यक्षमा रमेश शर्मा छन् । ३५ हजार ६ सय स्क्वायर फिटमा फैलिएको मेडिकल कलेजले विभिन्न ६ सेगमेन्टमा सुपरस्पेसियालिटी सेवा प्रदान गर्दै आएको छ ।
