बाढी प्रभावित पशुपन्छीको उपचारका लागि कान्तिपुरले निःशुल्क औषधि उपलब्ध गराउने

काठमाडौं—कान्तिपुर भेट डिष्टिब्युटर्स प्रा.लि.ले भोटेकोशी बाढी प्रभावित पशुपन्छीको प्राथमिक उपचारका लागि आवश्यक औषधिहरु निःशुल्क उपलब्ध गराउने भएको छ ।

बुधबार कान्तिपुरले सम्बन्धित जिल्लाका पशु सेवा कार्यालय, पालिकाहरु, पशु सेवा शाखा तथा पशु स्वास्थ्यसँग सम्बन्धित निकायसँग समन्वय गरी प्रभावित पशुपन्छीका लागि आवश्यक पर्ने प्राथमिक उपचारका औषधि निःशुल्क उपलब्ध गराउने जनाएको हो ।

कान्तिपुरले उक्त औषधिहरु वास्तविक बाढी प्रभावित पशुपन्छीको उपचारमा प्रयोग हुने गरी सम्बन्धि सरकारी पशु सेवा निकाय तथा आधिकारिक संघसंस्थाको सिफारिस र समन्वयमा वितरण गर्ने जनाएको छ । विपदको समयमा पशुपन्छीको जीवन र स्वास्थ्य संरक्षणमा सहयोग पु¥याउने उद्देश्यले गरिएको यस मानवीय पहलमा सबैबाट समन्वय र सहयोग अपेक्षा पनि उसले गरेको छ ।

१० भदौंको विहान तिब्बत क्षेत्रबाट भोटेकोशी नदीमा आएको भिषण बाढीका कारण ठूलो जनधनको क्षति भएको छ । उक्त क्षतिप्रति पनि कान्तिपुर भेटले दुःख व्यक्त गरेको छ ।