काठमाडौं—विश्वभर महामारीको रुपमा फैलिरहेको कोरोना भाइरस (कोभिड—१९) बेला मिस वर्ल्ड नेपाल अनुष्का श्रेष्ठले नेपालमा काम गर्नलाई युवाहरुलाई पुनः जोड्ने प्रयास स्वरुप एक पहलको सुरुवात गरेकी छन् । देशका युवाहरुलाई शिक्षित बनाउने र जागृत गराउने यो पहलमा आईएमई पेसँग सहकार्यमा थालिएको हो ।
आगामी ३ हप्तासम्म अनुष्का श्रेष्ठले समकालीन नेपाली आर्थिक, शैक्षिक, प्रशासनिक र अन्यका बारेमा विभिन्न विज्ञ व्यक्तित्वहरुका साथ संवाद गर्नेछन् । श्रेष्ठले आफ्नो फेसबुकबाट नै विभिन्न विज्ञ व्यक्तिहरुसँग संवाद गर्नेछन् ।
उनले फेसबुकमार्फत गर्ने लागेको उक्त शोको शीर्षक #Reconnecting रहनेछ, जुन अनुष्का श्रेष्ठको फेसबुक पेज र युट्युब च्यानलका साथै आईएमई पेको फेसबुक पेजमा प्रत्यक्ष (लाइभ) प्रसारण हुनेछ ।
साथै उनले नेपाल राइजिङ संस्थाको सहयोगार्थ कोभिड–१९ सहायता कोषको लागि सहयोग संकलन गरिरहेका छन् । राइजिङ नेपाल संस्थाद्वारा काठमाडौं भित्रका विभिन्न स्थानमा असहाय तथा बिपन्न वर्गको लागि दैनिक जीवनयापनको लागि आवश्यक वस्तुहरु वितरण गरिरहेको छ । IME pay APP डाउनलोड गरेर यसमा सहभागी हुन सकिनेछ ।
भिडियो
