स्टार हस्पिटलको एकदिने नि:शुल्क स्वास्थ्य शिविर सम्पन्न

हेल्थ आवाज सोमबार, २०७७ फागुन १० गते, १२:३८ मा प्रकाशित

काठमाडौँ – क्याम्पेन एकेडेमीसँगको सहकार्यमा स्टार हस्पिटलले आयोजना गरेको एकदिने स्वास्थ्य शिविर सम्पन्न भएको छ। मंगलबार आयोजित सो शिविरमा बालरोगका साथै दन्त रोगको नि:शुल्क जाँच गरिएको थियो।

हस्पिटलका सि.ओ.ओ डा. सन्देश जि.सीले सो शिविरबाट पाँचसय विद्यार्थी लाभान्वित भएको बताएका छन्।

सि.ओ.ओ डा. सन्देश जि.सीका अनुसार सो दिनमा स्टार हस्पिटल र क्यामपेन एकेडेमीबीच विद्यार्थी र उनका अभिभावकले स्टार हस्पिटलमा सेवा लिए बापत छुट सुविधा प्रदान गर्ने सम्झौता पनि भएको छ ।