नर्भिक अस्पतालले आइपीओ ल्याउने

काठमाडौँ – नर्भिक इन्टरनेशनल अस्पतालले सर्वसाधारणका लागि आइपीओ जारीको तयारी गर्ने जनाएको छ । प्राइभेट कम्पनीबाट पब्लिक कम्पनीमा रुपान्तरण भएसँगै अस्पतालले सर्वसाधारणका लागि प्राथमिक सार्वजनिक निष्कासन आइपीओ निष्कासनको तयारी गर्ने जनाएको हो।

नर्भिक अस्पतालले भविष्यमा आफ्नो सेवालाई विस्तार गर्ने र यो कार्यमा जनसहभागितालाई समेत सुनिश्चित गर्ने अवधारणाअन्तर्गत आफूलाई प्राइभेट कम्पनीबाट पब्लिक कम्पनीमा रूपान्तरण गरेको बताएको छ।

अस्पतालका अनुसार नेपालको शेयर बजारमा सूचीकृत हुने पहिलो अस्पताल बन्ने गरी काम अगाडि बढाउदै लगेको छ।