वात्सल्यले ल्यायो ४० वर्ष माथिका महिलाका लागि निःशुल्क टिभिएस जाँच र विशेषज्ञ परामर्श योजना

हेल्थ आवाज बुधबार, २०७८ साउन ६ गते, १५:५७ मा प्रकाशित

काठमाडौं—निःसन्तान दम्पतीका लागि नेपालमै अन्तर्राष्ट्रियस्तरको सेवा-सुविधा उपलब्ध गराउँदैं आएको वात्सल्य आईभिएफले ४० वर्षमाथिका महिलाका निःशुल्क टिभिएस जाँच र विशेषज्ञ परामर्श गर्ने भएको छ । ४० वर्षमाथिका महिला सन्तान प्राप्त गर्न कठिन हुने भएकाले निःशुल्क जाँच र विशेषज्ञ परामर्शको व्यवस्था गरिएको वात्सल्यले जनाएको छ ।

४० वर्षमाथिका महिलाको पनि उचित निदान र उपचार गरे सन्तान सम्भव हुने वात्सल्यले जनाएको छ । त्यसका लागि साउन मसान्तसम्म लागु हुने गरी निस्शुल्क टिभिएस जाँच तथा नि:शुल्क चिकित्सक परामर्शको योजना ल्याएको छ । यसले आईयुआई/आईभीएफका साथै अन्य निस्सन्तान उपचार विधिबारे जान्ने/बुझे मौका प्रदान गर्ने विश्वास वात्सल्यले लिएको छ ।

वात्सल्यमा आवद्ध दुई नयाँ विशेषज्ञमध्ये डा। सुमी मुनाकर्मी विगत ५ वर्षदेखि यसै क्षेत्रमा कार्यरत छन् । चिकित्सा विज्ञान राष्ट्रिय प्रतिष्ठानबाट एमडीमा गोल्ड मेडलिष्ट पनि हुन् । यस्तै डा। निजा राजभण्डारीले लखनउमा छात्रवृत्तिमार्फत् आईभीएफ सम्बन्धि अध्ययन गरेका छन्। विगत ३ वर्षको सेवामा आफ्नो कार्य दक्षताका कारण उनले पुरस्का पनि प्राप्त गरेकी छन् ।