२०८१ साउन ७, सोमबार
Health Aawaj logo
गृहपृष्ठकर्पोरेटविपी प्रतिष्ठानमा पूर्वाञ्चलमै पहिलो अनलाइन टिकट सेवा शुभारम्भ

विपी प्रतिष्ठानमा पूर्वाञ्चलमै पहिलो अनलाइन टिकट सेवा शुभारम्भ


काठमाडौँ – वि.पी. कोइराला स्वास्थ्य विज्ञान प्रतिष्ठान, धरानले पूर्वाञ्चल कै पहिलो अनलाइन टिकट सेवाको सुरुवात गरेको छ। प्रतिष्ठानले शुक्रबारबाट बिरामीको अनलाइन टिकट वितरणको सुरुवात भएको सह-प्रवक्ता डा. चुरामणी पोखरेल जानकारी दिए।

प्रतिष्ठानको मोबाइल एप्लिकेसनमार्फत बिरामी वर्गले अनलाइन टिकट लिन सक्नेछन् । उक्त सेवा पूर्वाञ्चलमा नै पहिलो हो । उक्त सेवाका लागि सेवाग्राहीले एन्ड्रोइड मोबाइलको प्लेस्टोरमा गएर B.P. Koirala Institute of Health Sciences (BPKIHS) एप्लिकेसन डाउनलोड गर्नुपर्नेछ । त्यसपछि एपबाटै टिकट काटेर आफुलाई आवश्यक पर्ने चिकित्सकसँग समय लिन सकिनेछ ।

उक्त प्रविधिले घण्टौ लाइनमा बसेर पाउने सास्तीबाट बिरामीवर्गले छुटकारा पाउने बारे प्रतिष्ठानका अस्पताल निर्देशक प्रा. डा. गौरी शंकर शाह विश्वत छन् । उक्त सेवालाई अझ विस्तार गरि ल्याब परिक्षणका रिपोर्टहरु अनलाइनबाटै हेर्न मिल्ने व्यवस्थाको निर्देशन समेत निर्देशक प्रा. डा शाहले दिएका छन् ।


क्याटेगोरी : कर्पोरेट



तपाईको प्रतिक्रिया दिनुहोस


ट्रेण्डिङ