काठमाडौं न्यूरो तथा जनरल अस्पतालको रक्तदान सम्पन्न

काठमाडौं—न्यूरो तथा जनरल अस्पतालले रक्तदानको आयोजना गरेको छ । सुन्धारामा भएको रक्तदान कार्यक्रममा ५० पिन्ट रगत संकलन भएको अस्पतालका सीईओ श्याम कुमार श्रेष्ठले बताए ।

रगतको माग बढी र रक्तदान कम भैरहदा सिर्जना रक्त अभावलाई पूर्ण गर्न सहयोग होस् भन्ने उद्धेश्यले अस्पतालले ३—३ महिनामा रक्तदान कार्यक्रमको आयोजना गर्दै आइरहेको अस्पतालले जनाएको छ ।

सो कार्यक्रममा बोल्दै अस्पतालका सीईओ श्रेष्ठले आफ्नो अमूल्य रगत दान दिएर अरू कसैको जीवन बचाउने कार्य गरेकोमा सम्पूर्ण स्वयंसेवी रक्तदातालाई धन्यवाद दिँदै नियमित रुपमा रक्तदान गर्नसमेत आग्रह गरे ।

हिजोको दिनमा रेडक्रसबाट मात्र यस्ता अभियान सन्चालन भैरहेकोमा अहिले विभिन्न अस्पतालको समेत सहभागितामा रक्तदान कार्यक्रमहरुको आयोजना गरी रगत संकलन गरिनुले रगतको अभावमा अकालमै ज्यान गुमाउनुपर्ने परिस्थितिको अन्त्य गर्न ठूलो टेवा पुग्ने धारणा व्यक्त गरेका थिए ।