थप ११ जनामा कोरोना पुष्टि, गण्डकी प्रदेशमा संक्रमितको संख्या ७५३ पुग्यो

काठमाडौँ – गण्डकी प्रदेशमा थप ११ जनामा कोरोना पुष्टि भएको छ। बिहिबार विहान प्रदेश क्षयरोग केन्द्र, पोखरा र भरतपुर अस्पताल, चितवनमा गरिएको परीक्षणमा थप ११ जनामा कोरोना संक्रमण देखिएको गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता विनोद बिन्दु शर्माले जानकारी दिएका हुन्।

यससँगै गण्डकी प्रदेशमा संक्रमितको संख्या ७ सय ५३ पुगेको छ। थपिएका संक्रमितहरुमा म्याग्दीका ६ जना, स्याङ्जाका १ जना, बाग्लुङ्गका २ जना, नवलपरासी बर्दघाटका २ जना रहेका छन्।

सो संक्रमितहरुलाई आइसोलेसनमा राखिएको छ। सो प्रदेशमा गए राति एक संक्रमितको निधन भएसँगै कोरोनाबाट ज्यान गुमाउनेको संख्या २ पुगेको छ ।