बुटवलमा थप एक जना कोरोना संक्रमितको मृत्यु

बुटवल—लुम्बिनी प्रादेशिक अस्पताल कोरोना आइसोलेसन शाखा धागो कारखाना बुटवलमा थप एक जना कोरोना भाइरस संक्रमितको मृत्यु भएको छ ।

तिलोत्तमा ४ का ६० वर्षीय पुरुषको शुक्रबार विहान मृत्यु भएको अस्पतालका मेडिकल सुपरिटेन्डेन्ट डा. राजेन्द्र खनालले जानकारी दिए ।

गम्भीर अवस्थामा भेन्टिलेटरको सहायतामा उपचाररत संक्रमित पुरुषको विहान साढे २ बजे मृत्यु भएको उनले बताए ।

यही भदौ ७ गते अस्पतालमा भर्ना भएका उनमा उच्च रक्तचापको समस्या थियो ।