काठमाडौं उपत्यकामा २७८ सहित थप ६५९मा कोरोना पुष्टि

काठमाडौं—नेपालमा थप ६ सय ५९ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप ६ सय ५९ जनामा कोरोना संक्रमण देखिएको हो ।

पछिल्ला केहि दिनयता कोरोना संक्रमण हुनेको संख्याको साथै दैनिक मृत्यु हुने संख्या घट्दै गएको छ । काठमाडौं उपत्यकामा सोमबार मात्र २ सय ७८ जना संक्रमित थपिएका छन्।

यस्तै, पछिल्लो २४ घण्टामा ७ सय १८ कोरोना संक्रमित निको भएर घर फर्किएका छन् । अहिलेसम्म निको भएर घर फर्किनेमा २ लाख ५० हजार ५ सय ८१ जना रहेका छन् । निको हुने दर नेपालमा ९६. ८ प्रतिशत रहेको छ।

पछिल्लो २४ घण्टामा ५ हजार ५ सय ७८ वटा पीसीआर नमुना परीक्षण भएको छ।