२०८१ साउन ९, बुधबार
Health Aawaj logo
गृहपृष्ठसमाचारकाउन्सिलले १२ चिकित्सकलाई सोध्यो– ‘तपाईंहरु नेपाली कि भारतीय नागरिक ?’

काउन्सिलले १२ चिकित्सकलाई सोध्यो– ‘तपाईंहरु नेपाली कि भारतीय नागरिक ?’

३० दिनभित्र सक्कली कागजातसहित उपस्थित हुनु


काठमाडौ– नेपाल मेडिकल काउन्सिलले १२ जना चिकित्सकलाई सक्कली कागजात सहित ३० दिनभित्र सम्पर्कमा आउन पत्राचार गरेको छ । चिकित्सकहरुको नागरिकता र परिचयपत्र नेपाल र भारत दुवै देशको पाइएपछि स्पष्टिकरण पेश गर्नका लागि काउन्सिलले पत्राचार गरेको हो ।

काउन्सिलका रजिष्टार डा. कृष्ण अधिकारीले उनीहरुले पढाई अघि नेपाली नागरिक भएको, पढ्दा भारतीय नागरिक भएको र पढिसकेर काउन्सिलबाट लाइसेन्स परीक्षा दिँदा नेपाली नागरिक भएको कागजात पेश गरेको हुँदा सही कुरा के हो भनेर छानविन भैरहेका बताए । उनले सही छानबिनको क्रममा सक्कल प्रमाणपत्रसहित उपस्थित हुन पत्र काटिएको जानकारी दिए ।

काउन्सिलमा महोत्तरीकी डा. कविना सिंहले भारतको सितामणीबाट सपथ पत्र पेश गरेकी छिन् । उनले नेपाली नागरिकता पनि पेश गरेकी छिन् । त्यस्तै, धनुषाका डा. प्रेक्षा साहले भारतबाट जारी भएको आवश्यक प्रमाणपत्र र मतदाता सूचीसहित नेपाली नागरिकता पनि पेश गरेकी छिन् । साह तत्कालिन सभासद प्रेम किशोर साहकी छोरी हुन् ।

पर्साका डा. शशिकान्त चौधरीले जिल्ला प्रशासन कार्यालय पर्साबाट नागरिकता लिएको प्रमाणपत्रसहित भारत सरकारको दतक पुत्र(भारतको राजस्थान फत्तेपुर जिल्लाकी चौधरी बनारसी देवीको दतक पुत्र) पेश गरेका छन् । रौतहकी डा. विनिता सिंहले भारतको सपथ पत्र पेश गरेकी छिन् । उनले १५ वर्षदेखि भारतीय हरेन्द्रप्रसाद चोधरीले लालनपालन गरेको भन्दै दतक पुत्री भएको दाबी गरेकी छिन् ।

महोत्तरीकी डा. पुजा कुमारी झाले भारतीय दुताबासका तत्कालिन काउन्सिलर एन बरुवाले भारतीय नागरिक भएको प्रमाणित पत्र दिएका छन् । उनले महोत्तरीबाट नेपाली नागरिक भएको प्रमाणपत्रसमेत काउन्सिलमा पेश गरेकी छिन् । विरगन्ज डा. पुष्करकुमार तिवारीले बसन्तपुर भारतका कमलदेव मिश्र तिवारीले उनलाई पालनपोषण गरेको सपथ पत्र बनाइदिएका छन् । तर, उनले पर्साबाट नेपाली नागरिकता लिएका छन् । यी लगायत अन्य ५ जनाले पनि यस्तै प्रकारको दाहोरो परिचयपत्र काउन्सिलमा बुझाएका छन् ।

दोहोरो परिचयपत्र बनाएर अवैध रुपमा अध्ययन गरी काउन्सिलको प्रमाणपत्र पाएको विषयमा खोजपत्रकारिता केन्द्रका लागि रामु सापकोटाले ४ वर्षअघि खोज रिपोर्ट तयार पारेका थिए ।

डाक्टर बन्न नक्कली कागजात

 


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ