२०८१ साउन ९, बुधबार
Health Aawaj logo
गृहपृष्ठकर्पोरेटअब बेलायतमा जाने चिकित्सकले नेपालमै प्ल्याब तयारी कक्षा लिन पाउने

अब बेलायतमा जाने चिकित्सकले नेपालमै प्ल्याब तयारी कक्षा लिन पाउने


काठमाडौं – बेलायतमा जाने चिकित्सकका लागि नेपालमै प्ल्याब तयारी कक्षा सुरु भएको छ। एनक्लेक्स नेपालले नेपालमै पहिलोपटक बेलायतमा चिकित्सकका रुपमा दर्ता हुन उत्तिर्ण हुनुपर्ने ल्याब परिक्षाको तयारी कक्षा सुरु गरेको हो ।

यसअघि भने उक्त तयारी कक्षा बेलायतमा नै गएर लिनुपर्ने बाध्यता थियो। पछिल्लो समय न्यून परिश्रमिक, सुरक्षा प्रत्याभूतीको अभाव र एम.डी-एम.एस तालिममा प्रवेश गर्नको कठिनाइका कारण नेपालका डाक्टरहरुमा छाएको निराशाकाबीच बेलायत नेपाली डाक्टरहरुबीच  एउटा लोकप्रिय गन्तव्य बन्दै गएको छ ।

एनक्लेक्स नेपालका प्रमुख सृजना केसीले नेपालमै प्ल्याब कक्षा सुरु हुँदा बेलायतमै गएर उक्त कक्षा लिनुपर्ने बाध्यताको अन्त्य भएको बताइन। ‘केहि वर्षअघिसम्म बेलायत जान चाहने डाक्टरहरुको प्रमुख चिन्ता एम.डी-एम.एस ट्रेनिङ्ग गर्न मौका नपाइने पो हो कि भन्ने थियो ।’, उनले भनिन्, ‘तर अक्टोबर २०१९ मा बेलायतले डाक्टरहरुलाई पेशागत खाँचोको सुचीमा समावेश गरेसँगै विदेशी र बेलायतमै प्रशिक्षित डाक्टरहरुबीच विशेषज्ञ तालिमको अवसर समान हुने सुनिश्चित भएको छ।’


क्याटेगोरी : कर्पोरेट, समाचार



तपाईको प्रतिक्रिया दिनुहोस


ट्रेण्डिङ