कोभिड-१९ विरुद्धको खोप अभियान बिहीबारबाट अनिश्चित समयका लागि स्थगित

काठमाडौं-सरकारले संचालन गरिरहेको कोभिड-१९ विरुद्धको खोप अभियान बिहिबारबाट स्थगित गरिएको छ । स्वास्थ्य तथा जनसंख्या मन्त्रालयले कोभिड संक्रमण दर द्रुत गतिमा बढ्न थालेपछि केही दिनका लागि खोप अभियान रोकेको हो ।

सरकारले हाल चीनमा उत्पादित भेरोसेल खोपको पहिलो डोज लगाउने अभियान सञ्चालन गरिरहेको छ । त्यस्तै, भारतमा उत्पादित कोभिशिल्डको दोस्रो डोज खोप अभियान चलाउँदै आएको थियो ।

दुवै चरणका खोप अर्को सूचना जारी नभएसम्मलाई स्थगित गरिएको स्वास्थ्य सेवा विभाग खोप शाखा प्रमुख डा. झलक शर्मा गौतमले जानकारी दिए ।

कोभिशिल्डको दोस्रो डोज मंगलबार बेलुकासम्म ३ लाख ६५ हजारले लगाइसकेका थिए भने मंगलबारसम्म भेरोसेलको पहिलो डोज २ लाख ४७ हजारले लगाइसकेको प्रमुख डा. गौतमले बताए ।