भारतद्वारा कोभिड -१९ विरुद्धको नयाँ औषधी सार्वजनिक, संक्रमित छिटै निको हुने विश्वास

भारतले कोरोना भाइरसविरुद्ध एक नयाँ औषधी सार्वजनिक गरेको छ। भारतीय केन्द्र सरकारका रक्षामन्त्री राजनाथ सिंह र केन्द्रिय स्वास्थ्यमन्त्री हर्षवर्धनले रक्षा अनुसन्धान एंव विकास संगठन (डीआरडीओ)द्वारा यस औषधीको पहिलो खेप सार्वजनिक गरेका हुन् ।

कोरोनाको मध्यम लक्षण देखिएका बिरामी तथा गम्भीर लक्षण देखिने बिरामीमा औषधी प्रयोगको लागि आपतकालीन स्वीकृति पाएको छ। त्यहाँको औषधी महानियन्त्रक (डीजीसीआई)ले अनुमति दिएको हो।

यस औषधीबाट कोरोना बिरामी छिटो निको हुने र अक्सिजनको समस्याबाट गुज्रिरहेका संक्रमितलाई राहत दिने सो कम्पनीको दावी छ। भारतीय सरकारले उक्त औषधीको पहिलो प्राथमिकता अस्पतालमा भर्ना भएका बिरामीलाई दिएको छ।

-एजेन्सी