काठमाडौं–नेपाल मेडिकल काउन्सिलका अध्यक्ष डा. भगवान कोइरालाको नेतृत्वमा बनेको कोभिड–१९ अनुगमन समितिले दुई वटा केस अनुगमन टिम गठन गरेको छ । ४ जेठमा बसेको समितिको बैठकले ५–५ सदस्सीय दुई टिम गठन गरेको हो ।
दुई वटा टिमले संक्रमितहरुलाई बेड, प्रेस्क्रिब्सन, अक्सिजन आदिको स्थलगत अनुगमन गरी समितिमा प्रतिवेदन बुझाउने जिम्मेवारी दिइएको छ ।
अनुगमन समितिले गठन गरेको टिम ‘क’ मा प्रा.डा. नारायण विक्रम थापा, डा. सुभीत मास्के, विन्दा घिमिरे, कुमार थापा र ई. आषिश चौहान रहेका छन् ।
यस्तै, टिम ‘ख’ मा डा. लोचन कार्की, डा. मोहन श्रेष्ठ, प्रज्वलजंग पाण्डे, हेमराज दाहाल र ई. सुरेश श्रेष्ठ रहेका छन् ।
यसअघि २८ बैशाखमा स्वास्थ्य तथा जनसंख्या मन्त्रालयका डा. कोइरालाको नेतृत्वमा ११ सदस्सीय कोभिड १९ अनुगमन समिति गठन गरेको थियो ।
सो समितिको सदस्यसचिव मन्त्रालयको एचइओसी इकाई प्रमुख डा समीरकुमार अधिकारीलाई तोकिएको छ । समितिले कोभिड–१९ संक्रमणमा अस्पतालहरुमा भइरहेको व्यवस्थापन, उपचार र जनगुनासोलाई अध्ययन गर्ने अधिकार दिइएको छ ।