देशभर थपिए ७९१४ कोभिड–१९ संक्रमित, ७६६४ जना निको भए

काठमाडौं– नेपालमा थप ७ हजार ९ सय १४ जनामा कोभिड–१९ संक्रमण पोजेटिभ देखिएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा १९ हजार ९ सय २३  जनामा गरिएको परीक्षणमा ७ हजार ९ सय १४  जनामा कोभिड–१९ संक्रमण पुष्टि भएको हो ।

यससँगै नेपालमा अहिलेसम्म कोभिड–१९ बाट संक्रमित हुनेको संख्या ५ लाख १३ हजार २ सय ४१  पुगेको छ ।

पछिल्लो २४ घण्टामा ७ हजार ६ सय ६४ जना कोरोना संक्रमित संक्रमणमुक्त भएका छन् । अहिलेसम्म नेपालमा कोभिड–१९ बाट संक्रमणमुक्त हुनेको संख्या ३ लाख ९१ हजार ३ सय ४८ पुगेको छ ।

नेपालमा पछिल्लो २४ घण्टामा १९३ जनाको कोभिड–१९ संक्रमणबाट मृत्यु भएको छ । यससँगै अहिलेसम्म नेपालका कोभिड–१९ बाट मृत्यु हुनेको संख्या ६ हजार ३ सय ४६ पुगेको छ ।