थपिए ४३४४ नयाँ संक्रमित, ८१ जनाको मृत्यु

काठमाडौं – नेपालमा थप ४ हजार ३ सय ४४ जनामा कोभिड– १९ को संक्रमण देखिएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप ४ हजार ३ सय ४४ जनामा कोभिड–१९ संक्रमण पुष्टि भएको मन्त्रालयका प्रवक्ता डा.कृष्ण पौडेलले जानकारी दिए।

नयाँ संक्रमित मध्य काठमाडौं उपत्यकाका ९ सय १५ रहेका छन् । जसमध्ये काठमाडौंमा सबैभन्दा बढी ६७९, भक्तपुरमा ८१ र ललितपुरमा १५१ जनालाई संक्रमण पुष्टि भएको छ ।

मन्त्रालयका अनुसार पछिल्लो २४ घण्टामा थप  ५७४८ जना संक्रमणमुक्त भएका छन् ।

यस्तै, पछिल्लो २४ घण्टामा थप ८१ जना संक्रमितको मृत्यु भएको छ ।