काठमाडौं—कुटपिट गरेको आरोपमा लुम्बिनी प्रदेशकी स्वास्थ्य राज्यमन्त्री विमलाकुमारी वली पक्राउ परेकी छन् । मंगलबार विहान ८ बजे एक महिलालाई घरमै गएर हातपात गरेको अभियोगमा प्रहरीले स्वास्थ्य राज्यमन्त्री वलीलाई पक्राउ गरेको हो ।
इलाका प्रहरी कार्यलय तुलसीपुरकाअनुसार तुलसीपुर उपमहानगर–५ स्थित ती महिलाकै घरमा पुगेर कुटपिट गरेपछि नियन्त्रणमा लिइएको हो ।
‘उहाँले विहान घरमै गएर हातपात गर्नुभएछ,’ इलाका प्रहरी कार्यलय तुलसीपुरका इन्स्पेक्टर रन्जनबहादुर स्वारले भने, ‘डेढ घण्टाजति अघि हामीले उहाँलाई नियन्त्रणमा लिएका हौं । ’ उनकाअनुसार घटनाका विषयमा थप अनुसन्धान जारी रहेको छ ।
स्वास्थ्य राज्यमन्त्री वलीले विहान ८ बजे ती महिला र उनकी छोरीलाई घरमै पुगेर हातपात गरेकी थिइन् । त्यसपछि स्थानीयले प्रहरीलाई खबर गरेका थिए ।
उनी दाङ क्षेत्र नं. ३ को प्रदेशसभा ख बाट निर्वाचित सांसद हुन् ।
