नेपाल नेशनल हस्पिटलका स्वास्थ्यकर्मीद्वारा जुम्लामा चिकित्सकमाथि हातपातको घटनाको विरोध

काठमाडौं—नेपाल नेसनल हस्पिटलका स्वास्थ्यकर्मीहरुले कर्णाली स्वास्थ्य विज्ञान प्रतिष्ठान जुम्लाका चिकित्सकमाथि भएको कुटपिट घटनाको विरोध गरेका छन् । मंगलबार नेपाल नेसनल हस्पिटलका स्वास्थ्यकर्मीहरुले चिकित्सकमाथि कुटपिट गर्नेलाई सजायको माग गर्दै मैनवत्ती बालेर प्ले कार्डसमेत प्रदर्शन गरेर ऐक्यवद्धता जनाएका छन् ।

अस्पताल चिकित्स, नर्सलगायतका स्वास्थ्यकर्मीहरुले प्रतिष्ठान अस्पतालका चिकित्सक डा. करण शाहमाथि भएको घटनाको निन्दा समेत गरेका छन् । ‘डा. करण शाहमाथि हातपात गर्ने जघन्य कार्य भएको छ । त्यसमा हामी सम्पूर्ण चिकित्सक तथा स्वास्थ्यकर्मीहरु घोर विरोध तथा भत्र्सना गर्दछौं,’ नेपाल नेशनल अस्पतालका मेडिकल निर्देशक डा. प्रकाश पौडेलले भने, ‘दोषीमाथि कडाभन्दा कडा कारवाहीका लागि नेपाल सरकारसँग जोडदार माग गर्दछौं ।

उनले चिकित्सकमाथि हातपात गर्ने धनबहादुर शाहीलाई आंशिक नभएर पूर्ण रुपमा निलम्बन गर्न पनि सरकारसँग माग गरे । साथै डा. पौडेलले यस्ता खालका अपराधिक क्रियाकलाप स्वास्थ्य संस्थामा डाक्टर, नर्स तथा कुनै पनि स्वास्थ्यकर्मीमाथि आगामी दिनमा हुन नहुनेमा जोड दिए ।