२०८१ साउन ४, शुक्रबार
Health Aawaj logo
गृहपृष्ठसमाचारसंसदमा चित्रबहादुरको व्यंग्य, ‘संघीय प्रणालीमा कर्मचारीलाई तलब नदिएपनि हुन्छ कि ?’

संसदमा चित्रबहादुरको व्यंग्य, ‘संघीय प्रणालीमा कर्मचारीलाई तलब नदिएपनि हुन्छ कि ?’

धनगढीमा स्वास्थ्यकर्मीले ६ महिनादेखि तलब नपाएको विषय संसदमा


काठमाडौं—धनगढी उपमहानरपालिकामा स्वास्थ्य सेवाका कर्मचारीले तलब नपाएको विषयलाई लिएर जनमोर्चाका सांसद चित्रबहादुर केसीले संसदमा सरकारमाथि व्यंग्य गरेका छन् । बुधबार प्रतिनिधीसभाको बैठकमा बोल्दैं सांसद केसीले संघीय प्रणालीमा कर्मचारीलाई तलब नै नदिएपनि हुन्छ कि भनेर व्यंग्य गरेका हुन् ।

‘धनगढी उपमहानगरपालिकामा केन्द्रले खटाएका ५४ जना स्वास्थ्यका कर्मचारीहरु छन् । उनीहरुले ६ महिना भयो तलब नै पाएका छैनन्,’ उनले भने, ‘अब खटाउनेले तलब खाएर उहाँहरुलाई खटाइरहेको हो कि के हो यो संघीय प्रणाली भएपछि कर्मचारीलाई तलब नदिएपनि हुन्छ कि ? त्यसकारण सम्मानीय सभामुखज्यूमार्फत ती ६ महिनादेखि बिना तलब दुःख कष्ट भोगिरहेका कर्मचारीलाई सरकारले यथाशीघ्र तलब भुक्तानी गरोस धन्यवाद ।’

धनगढी उपमहानगरपालिकामा ५४ जना कर्मचारीले ६ महिनादेखि तलब भत्ता नपाएको विषय मंगलबार हेल्थआवाजले प्रकाशित गरेको थियो । समायोजन र समायोजन मिलान भएर धनगढी उपमहानगरमा खटिएका स्वास्थ्य सेवाका कर्मचारीले ६ महिनादेखि तलबभत्ता नपाएपछि आन्दोलन सुरु गरेका छन् ।

आइतबारदेखि धनगढी उपमहानगपालिकाको मुख्य प्रवेशद्वार नजिकै २ वटा ब्यानर झुण्ड्याएर उपमहानगरपालिको स्वास्थ्य शाखा र १९ वडाका स्वास्थ्य संस्थाका ५४ कर्मचारी धर्नामा छन् । धर्नामा बसेका उनीहरुले हातमा कालो पट्टी बाँधेका छन् ।

धर्नामा रहेका कर्मचारीहरुले धर्नास्थलमै हाजिरी गर्ने गरेका छन् । माग सम्बोधन नहुन्जेलसम्मका लागि दैनिक रुपमा सञ्चालन गरिएका कार्यक्रमहरूको प्रतिवेदन नगर्ने, स्वास्थ्य संस्थाबाट प्रदान गरिने स्वास्थ्य सेवा र विशेषज्ञ वडा स्वास्थ्य क्लिनिकलगायतका अन्य सेवाहरूमा आन्दोलनरत स्वास्थ्यकर्मीहरू सहभागी नहुनेलगायतका दबाबमूलक कार्यक्रम धनगढी उपमहानगरका स्वास्थ्यकर्मीहरुले अघि बढाउने घोषणा गरेका छन् ।

यो पनि पढ्नुस्

धनगढीमा समायोजन भएका स्वास्थ्यका कर्मचारीले ६ महिनादेखि तलब भत्ता पाएनन्


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ