२०८१ असार ११, मंगलबार
Health Aawaj logo
गृहपृष्ठसमाचारमहाकाली अस्पतालमा सिकलसेलको उपचार सेवा सुरु

महाकाली अस्पतालमा सिकलसेलको उपचार सेवा सुरु


धनगढी—महाकाली अस्पतालमा थारु जातिमा देखिएको सिकलसेल एनिमिया रोगको उपचार सुरु भएको छ । उपकरण जडानसँगै कर्मचारीलाई आवश्यक तालिम दिएर यसै महिनाबाट सिकलसेलको उपचार सेवा सुरु गरिएको महाकाली अस्पतालका सूचना अधिकारी केशवदत्त अवस्थीले जानकारी दिए ।

हालसम्म दुई जना सिकलसेल एनिमियाका बिरामीले उपचार गराएको अस्पतालले जनाएको छ । अब उपचारका लागि धनगढीलगायत जिल्लाबाहिर जानु÷नपर्ने बताइएको छ ।

यसअघि कञ्चनपुरका दुई सय ७० जना सिकलसेल एनिमियाका बिरामीले कैलालीको सेती अस्पतालमा उपचार गराउँदै आएका थिए । महाकाली अस्पतालमै सिकलसेलको उपचार सुरु भएपछि स्थानीय खुशी भएका छन् ।

सुदूरपश्चिम प्रदेश सरकारले उपकरण खरिदका लागि ५० लाख रुपैयाँ विनियोजन गरेको थियो । नेपाल सरकारले सिकलसेलका बिरामीलाई १ लाख रुपैयाँ बराबरको औषधि निःशुल्क दिने व्यवस्था मिलाएको छ ।

थारु जातिमा मात्रै देखिने यस रोगको समयमै उपचार हुन नसक्दा कतिपयको ज्यानसमेत जाने गरेको छ ।


क्याटेगोरी : समाचार, सुदूरपश्चिम प्रदेश



तपाईको प्रतिक्रिया दिनुहोस


ट्रेण्डिङ