आफ्नै कोठामा नर्स मृत फेला

धनगढी–धनगढीमा एक स्टाफ नर्स मृत भेटिएकी छन् । धनगढी उपमहानगरपालिका वडा नम्बर ५ तारानगरको ऐश्वर्या स्कुल नजिकै डेरामा बस्ने कञ्चनपुरको शुक्लाफाँटा नगरपालिका १० की स्टाफ नर्स २० वर्षीय सुनम ऐर मृत अवस्थामा भेटिएकी हुन्।
जिल्ला प्रहरी कार्यालयका प्रहरी निरिक्षक प्रकाश कार्कीले तारानगरमा डेरामा बस्दै आएकी ऐर केही बेर अघि मृत अवस्थामा भेटिएको बताए । उनले ऐर बन्द कोठा भित्र सुतेकै अवस्थामा भेटिएको जानकारी दिए । मृत्यु कारण अनुसन्धान भइरहेको प्रहरीले जनाएको छ ।
उनका अनुसार अहिले मुचुल्का उठाउने काम भईरहेकाले शव कोठामै छ । ऐर धनगढीको निसर्ग हस्पीटल र नवजीवन अस्पतालमा काम गर्दै आएकी प्रहरीले जनाएको छ