प्रसाई पक्राउ  गर्न जिप्रकाकाे अनुमति

काठमाडौं–जिल्ला प्रशासन कार्यालय भक्तपुरले वि एण्ड सी अस्पताल झापाका संचालक दुर्गा प्रसाईलाई पक्राउ गर्न प्रहरीलाई अनुमति दिएको छ ।

प्रसाईंका विरूद्ध चिकित्सा शिक्षा आयोगका उपाध्यक्ष प्राडा श्री कृष्ण गिरीले आयोग कार्यालयमा गुण्डा लगाई अभद्र व्यवहार गरेको उजुरी गरेका थिए । प्रशासनले प्रसाईलाई पक्राउ गरी अनुसन्धान र वयानका लागि पक्राउ पुर्जी दिन आदेश दिएको महानगरीय प्रहरी परिसर भक्तपुरले जनाएको छ ।

पक्राउ अनुमति पाएसँगै प्रहरी प्रसाईंको घरमा पुगेको थियो । घरमा उनि नभेटेपछि प्रहरी फर्किएको थियो ।

प्रसाई विरुद्ध राष्ट्रिय चिकित्सा शिक्षा आयोगका उपाध्यक्ष प्राडा गिरीले जिल्ला अदालत काठमाडौमा मानहानीको मुद्धा समेत हालेका छन् ।

डा गिरीलाईं प्रसाईंले प्रस्तावित वि एण्ड सी कलेजको सम्बन्धनका लागि २० करोड घुस मागेको आरोप लगाएका थिए । प्रसाईंले पनि गिरी विरूद्ध अख्तियार र सम्पति शुद्धिकरण विभागमा मुद्दा दायर गरेका छन् ।