डब्ल्युएचओ तयार गर्यो कोभिड-१९ उपचारमा संलग्न स्वास्थ्यकर्मीले प्रयोग गर्ने पीपीईको नयाँ मापदण्ड

हेल्थ आवाज बुधबार, २०७६ चैत्र १२ गते, १९:४३ मा प्रकाशित

सांकेतिक फोटो : AMA

काठमाडौं– ‘कोभिड-१९’ को संक्रमण फैलिएसँगै यसबाट जोगिने विषयमा धेरै अध्ययन अनुसन्धान भएका छन् । नयाँ भाइरस भएका कारण यसबाट बच्ने उपाय ठ्याक्कै यही हो भन्ने कसैले पनि एकिन गर्न सकेको छैन । विश्वको स्वास्थ्य सम्बन्धि रणनीति बनाउने, कार्यन्वयनमा सहयोग गर्ने र सबै देशहरुको प्रतिनिधित्व गर्ने विश्व स्वास्थ्य संगठन आधिकारिक निकाय हो ।

अहिले महामारीको रुपमा फैलिएको ‘कोभिड-१९’ लाई नियन्त्रण र रोकथाम गर्न उसले महत्वपूर्ण भूमिका खेलिरहेको छ । यससँग जुध्ने रणनीति तय गर्ने, जनमानसलाई सही जानकारी प्रदान गर्ने काम पनि गरिरहेको छ । ‘कोभिड-१९’सँग जोडिएर आम मानिसले प्रयोग गर्ने मास्कदेखि लिएर उपचारमा संलग्न चिकित्सक, नर्स तथा स्वास्थ्यकर्मीका लागि कस्ता कस्ता व्यक्तिगत सुरक्षा कवच (पीपीई) आवश्यक छ र अवलम्बन गर्नुपर्छ भन्ने विषयमा गत १९ मार्चमा सूचना सामाग्री सार्वजनिक गरेको छ ।

नेपालमा पछिल्लो समय तीन जनामा कोभिडको संक्रमण पुष्टी हुनु अगावै आम मानिसमा मास्क र आम स्वास्थयकर्मीमा पीपीई अपुग भएको गुनासो आइरहेका छन् । सोही सन्दर्भमा के सबैलाई मास्क र पीपीई आवश्यक छ त ? विश्व स्वास्थ्य संगठनले १९ मार्चमा सार्वजनिक गरेको मापदण्डलाइ हामीले अनुवाद गरेका हौं ।