४४ प्रकारका अवैध औषधी ओसार-पसारको आरोपमा एक युवा विरुद्ध मुद्धा दायर

काठमाडौं–नेपालमा दर्ता नभएका ४४ प्रकारका औषधीको ओसार—पसार गरेको भन्दैं औषधी व्यवस्था विभागले एक युवा विरुद्ध जिल्ला अदालत कैलालीमा मुद्धा दायर गरेको छ ।

बझाङ जयपृथ्वी नगरपालिकाका २३ वर्षीया रोहित धामीलाई अवैध औषधी ओसार—पसार गरेको भन्दै विभागको धनगढी शाखाले मुद्धा  दायर गरेको हो ।

धामीलाई ९ गते धनगढी उपमहानगरपालीका—७ वेलिहवाबाट २ बटा कालो झोलामा ४४ प्रकारका नेपालमा दर्ता नभएका अवैध औषधीसहित प्रहरीले पक्राउ गरेको थियो । उनी विरुद्ध सोमवार जिल्ला अदालत कैलालीमा मुद्धा दर्ता गरिएको सूचना अधिकारी सुरज गौतमले जानकारी दिए ।

नेपालमा दर्ता नभएका यस्ता औषधी विक्री वितरण गरेको पाइएकोले औषधी ऐन, २०३५ को दफा ९ बमोजिम कसुर ठहरेको दावी गर्दै ३ वर्षसम्मको कैद र जरिवाना माग दावी गरिएको छ ।