‘कोभिड १९’ : साढे ३ लाख भन्दा बढी मानिस निको भएर घर फर्किए

काठमाडौं – कोभिड १९ले विश्व प्रभावित भएको छ। सबैभन्दा बढी चीन र अमेरिका यसको मारमा परेका छन्। चीनबाट सुरु भएको ‘कोभिड १९’ संक्रमण अधिकांश देशमा फैलिएको छ। कयौंले ज्यान गुमाएका छन्। कयौ मृत्युको मुखमा छन् भने कति बाच्नको लागि संघर्ष गरिरहेका छन्। यसैबीच कोभिड १९ बाट संक्रमित व्यक्ति निको भएर घर पनि फर्किएका छन्।

पछिल्लो तथ्यांक अनुसार पुन स्वस्थ भएर फर्किनेको संख्या ३ लाख ५६ हजार ९ सय ७७ पुगेको छ। उनीहरुको सफल उपचार पछि घर फर्किएका हुन्। विश्वभर गरेर हाल १६ लाख ५ हजार ७ सय १२ जना व्यक्ति संक्रमित छन् भने ज्यान गुमाउनेको संक्रमितको संख्या ९५ हजार ७ सय ६६ पुगेको छ।

कोरोना संक्रमितको संख्या दिनप्रतिदिन बढ्दै गएपछि विश्व नै त्रसित छ। तर उपचार पछि कयौं ठिकठाक भएर घर पनि फर्किएका छन्। विश्वव्यापी रुपमा महामारी फैलिएसंगै यसको रोकथाम र थप फैलिन नदिन कयौं देशमा लकडाउन गरिएको छ भने शंका लागेका व्यक्तिलाई क्वारेन्टाइनमा राखिएको छ भने संक्रमितको लागि आइसोलेसनको व्यवस्था गरी उपचार भइरहेको छ ।

-एजेन्सी