२०८१ असार ३०, आईतबार
Health Aawaj logo
गृहपृष्ठअन्यडा. मनोर दिन सैयदले दिए १० कोरोना सचेतना उपायसहित नयाँ वर्षको शुभकामना

डा. मनोर दिन सैयदले दिए १० कोरोना सचेतना उपायसहित नयाँ वर्षको शुभकामना


काठमाडौं–समाजसेवी चिकित्सक डा. मनोर दिन सैयदले नेपालीको नजिकिदैं गएको नयाँ वर्ष २०७७ को कोरोना सचेतनासहितका शुभकामना दिएका छन् । उनले विश्वमा अहिले कोरोना महामारीका रुपमा फैलिरहेको भन्दैं शुभकामनामा यसबाट सजगता अपनाउन पनि आग्रह गरेका छन् ।

‘नजिकिदै गरेको नेपाली नयाँ वर्षमा यो महामारी रोकथाम गर्नको लागि समाजसेवी चिकित्सक डा. मनोर दिन सैयदले कोरोना रोकथाम सचेतना सम्बन्धि केही टिप्ससहित नयाँ वर्ष २०७७ को उपलक्ष्यमा देश तथा विदेशमा रहेका सम्पूर्ण नेपाली दाजुभाई तथा दिदीबहिनीहरुमा उत्तरोत्तर प्रगति, सु–स्वास्थ्य, दीघार्यु, आपसी सद्भाव, भाइचारा र अमन चयनको कामना गर्दै शुभकामना व्यक्त गर्नुभएको छ,’ उनको टिमद्धारा प्रेषित शुभकामनामा भनिएको छ ।

डा. मनोर दिन सैयदले कोभिड १९ बाट जोगिन दिएका टिप्स

  • सचेत रहने तर तनाव नलिने
  • लकडाउनको सबै नियम पालना गर्ने
  • सामाजिक दूरी कायम राख्ने
  • मास्कको प्रयोग गर्ने
  • स्यानीटाइजर प्रयोग र साबुन पानीले हात मिचीमिची धुने
  • सम्भावित व्यक्ति या कोरोना सम्पर्कमा भएकाहरु क्वारेनटाइनमा बस्ने
  • कोरोना प्रमाणित भएकाहरु सरकारले तोकेको ठाउँमा आइसोलेसनमा रहने र उनीहरुको उचित स्वास्थ्य हेरचाहको व्यवस्था राज्यले मिलाउँदैं आएको छ
  • छरछिमेकमा समस्यामा परेकाहरुलाई खाद्यान्नसहितको सहयोग गर्ने तर राहत लिन जाँदा समेत दूरी कायम गर्ने
  • आफ्ना चिकित्सक, अस्पताल, एम्बुलेन्स र वडा कार्यालयको सम्पर्कमा रहने
  • घरमा अनावश्यक पाहुनाहरु नबोलाउने र अरुकोमा हुल बाँधेर नजाने, पिकनिक या वनभोजको कार्यक्रम स्थगित राख्ने, धार्मिक भेला या सामूहिक प्रवचनको कार्यक्रम नराख्ने र सरकारले गरेका कोरोना रोकथामका उपायहरुलाई सबैले मनन गरी सहयोग गर्ने

क्याटेगोरी : अन्य



तपाईको प्रतिक्रिया दिनुहोस


ट्रेण्डिङ