साढे ५ लाखभन्दा बढी संक्रमित निको भएर फर्किए घर

काठमाडौं – चीनबाट सुरु भएको ‘कोभिड १९’ संक्रमण अधिकांश देशमा फैलिएको छ। कयौं संक्रमितले  ज्यान गुमाएका छन्। कयौं मृत्युको मुखमा छन् भने कति बाच्नको लागि संघर्ष गरिरहेका छन्। यसैबीच कोभिड-१९ बाट संक्रमित व्यक्ति निको भएर घर पनि फर्किएका छन्।

पछिल्लो तथ्यांक अनुसार स्वस्थ भएर फर्किनेको संख्या ५ लाख ५२ हजार ८ सय २२ पुगेको छ। उनीहरुको सफल उपचार पछि घर फर्किएका हुन्। विश्वभर गरेर हाल २१ लाख ८३ हजार ९ सय ४२ जना व्यक्ति संक्रमित छन् भने ज्यान गुमाउनेको संक्रमितको संख्या १ लाख ४६ हजार ८ सय ७३ पुगेको छ।

कोरोना संक्रमितको संख्या दिनप्रतिदिन बढ्दै गएपछि विश्व नै त्रसित छ। तर उपचार पछि कयौं ठिकठाक भएर घर पनि फर्किएका छन्। विश्वव्यापी रुपमा महामारी फैलिएसंगै यसको रोकथाम र थप फैलिन नदिन कयौं देशमा लकडाउन गरिएको छ भने शंका लागेका व्यक्तिलाई क्वारेन्टाइनमा राखिएको छ भने संक्रमितको लागि आइसोलेसनको व्यवस्था गरी उपचार भइरहेको छ ।

सबैभन्दा कोरोनाको चपेटामा अमेरिका परेको छ । त्यहा कोरोना भाइरसबाट मृत्यु हुनेको संख्या ३४ हजार ६ सय ४१ पुगेको छ । शुक्रबार मात्रै २४ संक्रमितले ज्यान गुमाएका छन् ।

-एजेन्सी