ट्रम्पद्वारा कोरोना सम्बन्धि नियमित पत्रकार सम्मेलन स्थगित

कोभिड-१९ को चपेटाबाट सबैभन्दा बढी अमेरिकामा प्रभावित छ । उक्त भाइरसले हालसम्म अमेरिकामा ५४ हजार २ सय ६५ व्यक्तिको ज्यान लिएको छ भने ९ लाख भन्दा बढी संक्रमित छन् ।

यसैबीच अमेरिकी राष्ट्रपति डोनाल्ड ट्रम्पले कोभिड-१९बारे अपडेट तथा सरकारद्वारा उठाइने कदमबारे जानकारी दिन आयोजना गरिने नियमित पत्रकार सम्मेलन बन्द गरेका छन् । उनले ट्वीटमार्फत बन्द गर्नुको कारण देखाउँदै भने, ‘प्रेस वार्ताको कुनै मतलब छैन, जब पक्षपाती मिडिया शत्रु सरह प्रश्न मात्रै राख्छन् र तथ्यपूर्ण रिपोर्ट गरिदैन  ।

पत्रकार सम्मेलनमा पत्रकारद्वारा राखिएको प्रश्नमा अमेरिकी राष्ट्रपति ट्रम्पको जवाफको चौतर्फी आलोचना हुने गर्थ्यो।

-एजेन्सी