अल्फा केयर एण्ड डाइग्नोष्टिक सेन्टरको सिजी होल्डिङ्समा निःशुल्क स्वास्थ्य शिविर

काठमाडौं—अल्फा केयर एण्ड डाइग्नोष्टिक सेन्टरले सिजी होल्डिङमा निःशुल्क हेल्थ क्याम्पको आयोजना गरेको छ । बुधबार विहान १० बजेदेखि साँझ ५ बजेसम्म सिजी होल्डिङको मुख्यालय सानेपामा निःशुल्क स्वास्थ्य शिविर आयोजना गरिएको थियो ।

शिविरमा काठमाडौंभरका सिजीका कर्मचारीहरुको स्वास्थ्य परीक्षण गरिएको थियो । जसमा २ सय ५० जनाभन्दा बढीको स्वास्थ्य परीक्षण गरिएको अल्फा केयरकी रोजिना थापाले जानकारी दिइन् ।

शिविरमा निःशुल्क बीएमआई, ब्लड सुगर, आँखा, युरिन रुटिङ र रक्तचाप चेकजाँच गरिएको थियो । चिकित्सकहरु डा. लालुप्रसाद यादव, डा. सुप्रिया उप्रेती र डा. सुर्यप्रकाश शाहले बिरामी परामर्श सेवा उपलब्ध गराएका थिए ।