अख्तियारको स्थापना दिवसमा १७५ जनाले गरे रक्तदान

काठमाडौं—अख्तियार दुरुपयोग अनुसन्धान आयोगको ३३ औं स्थापना दिवसको अवसरमा रक्तदान कार्यक्रमको आयोजना गरेको छ ।

बिहीबार आयोग परिसरमा सम्पन्न रक्तदान कार्यक्रममा १ सय ७५ जनाले रक्तदान गरेको अख्तियारको प्रवक्ता नरहरि घिमिरेले जानकारी दिए ।

उक्त रक्तदान कार्यक्रममा आयुक्तद्वय जयबहादुर चन्द र डा. सुमित्रा श्रेष्ठ अमात्य तथा सचिव रामेश्वर दंगालले पनि रक्तदान गरेका थिए । कार्यक्रम विहान १० बजेदेखि दिउँसो ४ बजेसम्म चलेको थियो ।