भक्तपुरमा क्लिनिक वानको निःशुल्क स्वास्थ्य शिविर

काठमाडौं—क्लिनिक वानले भक्तपुरमा निःशुल्क स्वास्थ्य शिविर संचालन गरेको छ । शनिबार मध्यपुर ठिमीको एसएसचोकस्थित क्लिनिक वानमा भएको स्वास्थ्य शिविरमा १०४ जनाले सेवा लिएको क्लिनिक वानका प्रबन्ध निर्देशक सन्तोष पौडेलले जानकारी दिए ।

विहान ८ बजेदेखि दिउँसो १२ बजेसम्म भएको शिविरमा हाडजोर्नी तथा नसा रोग, स्त्री तथा प्रसूति रोग, थाइराइड तथा सुगरलगायतका सेवाहरुको निःशुल्क परीक्षण गरिएको थियो । त्यसबाहेक क्लिनिक वानले अन्य सेवाहरुमा पनि २५ प्रतिशत छुट दिएको पौडेलले बताए ।

शिविरमा वरिष्ठ हाडजोर्नी तथा नसा रोग विशेषज्ञ डा. रामकृष्ण श्रेष्ठ, स्त्री तथा प्रसूति रोग विशेषज्ञ डा. रश्मी बस्ताकोटी र थाइराइड तथा सुगर रोग विशेषज्ञ डा. महेश दाहालले सेवा दिएका थिए ।