कोरोना भाइरसको प्रकोप बारे सजग गराउने चिनियाँ डाक्टरको मृत्यु

चीनमा कोरोना भाइरसको प्रकोपबारे सबैभन्दा पहिला सजग गराउने डाक्टर ली वेनलियांगको शुक्राबार उपचारको क्रममा मृत्यु भएको छ। वुहान सेन्ट्रल अस्पतालको अनुसार, कोरोना भाइरसबाट संक्रमित भएका उनको शुक्रबार विहान २ बजेर ५८ मिनेटमा मृत्यु भएको थियो।

उनी कार्यरत अस्पतालका एक अधिकारीले उनी कोरोना भाइरसको महामारीविरुद्धको लडाईमा दुर्भाग्य पूर्ण ज्यान गुमाउन परेको बताए । ड्युटीमा खटिदा उनलाई भाइरसको संक्रमण भएको हो।

ग्लोबल टाइम्सको रिपोर्ट अनुसार, ३४ वर्षीय लीले यस महामारीको बारेमा अन्य डाक्टरलाई चनाखो गर्ने काम गरेका थिए। गत डिसेम्बर वुहानमा पहिलो भाइरसको केसको बारे उनले जानकारी दिएका थिए।

यति सम्मकी उनले आफ्नो नातेदार, साथीभाईलाई सजग गराउन सामाजिक संजालमार्फत सन्देश दिएका थिए। उक्त संदेशको स्क्रिनशट भाइरल भएपछि प्रहरीले अफवाह फैलाएको आरोप लगाएको थियो।

– एजेन्सीको सहयोगमा