२०८१ साउन ८, मंगलबार
Health Aawaj logo
गृहपृष्ठअन्यकोभिड-१९ : वुहानका एक वरिष्ठ डाक्टर सहित चीनमा १८६८को मृत्यु

कोभिड-१९ : वुहानका एक वरिष्ठ डाक्टर सहित चीनमा १८६८को मृत्यु


चीनमा वुहानका एक वरिष्ठ डाक्टरको (कोभिड-१९) संक्रमणका कारण मृत्यु भएको छ। वुहानको वुचाङ्ग नामक अस्पतालका निर्देशक रहेका लिउ झिमिङको मंगलबार विहान मृत्यु भएको सिएनएनले जनाएको हो।

डा. लियु एक न्यूरोसर्जन थिए र कोभिडको महामारीका कारण ज्यान गुमाउने पहिलो अस्पताल निर्देशक । (कोभिड-१९) संक्रमणको मुख्य केन्द्र मानिएको शहर वुहान रहेका कारण उनको अस्पतालले नै सो भाइरस पिडितको उपचार प्रकियाको नेतृत्व गरिरहेको छ। कोरोना भाइरस पिडितकै उपचारमा खटिदाखटिदै उनमा पनि संक्रमण देखिएको थियो। ५० वर्षीय डा. लियु उक्त भाइरसबाट ज्यान गुमाउने दोश्रो डाक्टरमा पर्छन।

यस अघि पनि ‘कोभिड भाइरस’बाट पहिलोपटक जानकारी गराउने डाक्टर ली वेनलियांगको उपचारको क्रममा मृत्यु भएको थियो। उक्त भाइरस संक्रमितको उपचारमा लागिरहेका उनीलाई नै संक्रमण देखिएको केहि दिनमै मृत्यु भएको थियो।

चीनमा दिनप्रतिदिन कोरोना भाइरसबाट संक्रमण बढ्नुको साथै मृत्यु हुने संख्या थपिदै गईरहेको छ। पछिल्लो तथ्यांक अनुसार, चीनमा उक्त भाइरसबाट मृत्यु हुने संख्या १ हजार ८ सय ६८ पुगेको छ भने हालसम्म ७२ हजार ४ सय ३६ जना संक्रमित छन्।

-सिएनएन


क्याटेगोरी : अन्य



तपाईको प्रतिक्रिया दिनुहोस


ट्रेण्डिङ