स्वास्थ्य संरचनामा फार्मेसी जनशक्ति व्यवस्थापन गर्न माग

जनकपुरधाम—नेपाल फर्मास्युटीकल एशोसिएसनले स्वास्थ्य क्षेत्रको दरबन्दीमा फार्मेसी जनशक्तिलाई समेटन माग गरेको छ ।

औषधीको उचित व्यवस्थापन फर्मासिष्टहरुले मात्र गर्न सक्ने भन्दै एशोसिएसनले प्रदेश २ का मुख्यमन्त्री लालबाबु राउतलाई ज्ञापनपत्र बुझाउँदै नयाँ संरचनामा फार्मेसी जनशक्तिलाई समेटन माग गरेका हुन् ।

फर्मा क्लब वीरगंजका अध्यक्ष देवानन्द साहको नेतृत्वमा आएको टोलीले मुख्यमन्त्री राउतलाई ज्ञापन पत्र बुझाएका हुन । ज्ञापनपत्र बुझदैं मुख्यमन्त्री राउतले फर्मासिष्टहरुको मागलाई यथोचित सम्बोधन गर्ने बताए ।